娛圈廿問
我等八公，閒來無所事事，飽食終日，總要刨刨本埠娛樂版及大小八卦雜誌才覺心安理得，但睇得多心中對本埠娛樂圈既問題亦天天都多，到底有誰能夠告訴我，以下廿條問題既答案 (排名不分先後)？
- 點解見親原子鏸就一定會見到鄭珮珮 and vice versa？
- 點解楊天經有得見報上鏡既時候佢一定係探緊寶珠姐既班？
- 點解葉佩雯唔見幾年後會突然從以前既日系dance beat少女變成個樣極度兇狠成身黑麻麻既rock女？
- 點解古巨基唱親歌個樣都要三七面個咀一定要"木"起拎咪隻手一定要"fing"下"fing"下個身一定要起勢搖？
- 點解d司儀咁鍾意叫d觀眾"俾d掌聲自己"？
- 點解陳欣健做親司儀都總會唱番支歐西流行曲？
- 點解所有大騷起首都要搵隻歌改下歌詞唱番個騷既主題出黎？
- 點解所有大騷最後都要迫d嘉賓飲紙碎香檳？
- 點解飲食節目既主持試親菜都只會講"好香好清好滑好爽好鮮芒果布甸好有芒果味同埋晨早俾麥兜玩到臭既好有口感"？
- 點解《東張西望》「開心天氣提示」個part既gag可以爛成咁都仲未摺埋？
- 點解電視劇既西人個名唔係叫做Mr. Robinson就係叫做Mr. Smith？
- 點解張衛健拍親個d大陸劇時都要創作一句口頭禪然後講完又講講完又講講足成套劇？
- 點解彭健新可以響娛樂圈存活到三十年？
- 點解睇演唱會一定要成場企起身起勢跳起勢fing大聲跟住唱至叫投入同enjoy？
- 點解d歌手響演唱會愈來愈鍾意唱別人的歌唱到好似成班觀眾跟左佢入K房消遣一樣？
- 點解次次都有歌手響年終頒獎禮無論拎大獎細獎定豬肉獎都要作勢喊但總係喊唔出？
- 點解個個女仔參選港姐既原因都總係"我陪朋友去報名咋點知誤打誤撞就入左圍"？
- 點解個個男女參加新秀既原因都總係"我響外國返香港放暑假見冇野做咪報名玩下囉"？
- 點解本埠娛記咁鍾意幫外國藝人改埋d咩"靚佬湯福伯娜姐步姐聖子姨"呢類懶親切既稱謂？
- 點解... 點解我仲會咁留意本埠既娛樂圈？
posted by John @ 9/23/2006
10 comments
10 Comments:
點解葉佩雯唔見幾年後會突然從以前既日系dance beat少女變成個樣極度兇狠成身黑麻麻既rock女？
–依樣答到你，聽聞阿grace話eeg當年比佢既日系dance beat少女跟本就唔係佢自己,所以入到新公司要重拾自我,做翻自己…
you are hilarious~ I like this passage though. I read the 'entertainment' page everyday too.
1. B/c they're mother and daughter...
2. Similar to Q1 - b/c if it's just Mr. Yeung, no one cares, but at least "Bo Chu"'s fans will know who the guy is.
3. agree with above
4. Becuase Mr. Ku wants to show people how 投入 he is in all his songs.
5. just another way to make ppl clap? B/c ppl are too selfish to clap for others maybe...
6. Phillip Chan... he's from that generation?
7. So that the audience feel that they're 'familiar' with the show, and see how 'sincere' the producers are?
8. Really no idea, but this is hilarious~ Maybe it's just cheap champagne. Or, the paper adds flavour?
9. I guess those are the relatively 'easy to say' adjectives to describe flavour?
10. Haven't seen that 》「開心天氣提示」 yet.....
1&2>因為佢地係裙腳仔/女
3>其實只係個樣rock左, 即係今日著牛仔褲, 聽日著短裙, 睇心情囉
4>懶係靚仔
9>好似味皇果套卡通片會over得滯, 低調d又唔識用乜野形容詞, 但係呢個我覺得無辦法, 食此終都係一個感覺, 要自己去感受: 不如大家又試下用五十字黎形容雞肉係咩野味道, 真係幾難呀
10>當你見到而家既電視劇同埋電影變哂做廣告雜誌既時候, 你就明白再爛既gag, 只要俾錢果個唔覺得爛就唔係一個問題, 問題應該係點解班老細唔覺得個gag爛........
12>呢個令我引申到另外一個問題, 張衛健先生近年所拍既劇都係以大陸客為主: 究竟佢呢d廣東話式既口頭禪又有幾多個大陸觀眾明白, 電視台又點翻譯做國語呢?
13>因為佢唔係靠呢行食飯
14>因為你唔咁樣做個歌手以為你柴佢台
15>所謂既"專重創意工業既精神"
16>呢個我知, 因為佢地d戲屎
17>因為大部分人都覺得港姐唔高貴, 你試下著住件比堅尼俾人影到你紅潮風暴或下體現形, 你仲敢唔敢同人講你想選港姐
18>外國番黎威d掛....
19>眼高手低
我一路睇一路大笑
你打左好多條我一直想問既問題!
唔係喎, mr. smith唔係好多, 係"史密夫先生"多... 除o左mr. robinsons, 最多係jean paul!!!! hahahahaha
仲有俾黃宗澤同唐寧讀成mr. barn o既mr. brown!
14好刻薄..因人而異姐唔該
第十四題話緊我呀？我咪就係果ｄ睇演唱會會企足全場起勢嗌果ｄ人囉！不過我無話唔嗌果ｄ人唔投入喎！
其實以我呢ｄ咁既年紀，屋企又有大有細，要山長水遠去紅館睇演唱會就梗係好鍾意先會去，你試下叫我去聽容一姐丫？我比埋錢打發你過主唔好比張飛我阻定添呀！莫講話企同跳啦！當然，我會跳都係因為我鍾意睇既人佢地好鍾意跳既關係o者！笨唔係企或嗌或跳就係時髦同定律，都要睇對象既！如果睇歐端強點企點叫呀？！癲架咩？！
你十四條梗係有問題啦！你明明話娛樂圈廿問，無啦啦做咩要人做娛樂圈o者！我 fans 圈之嘛！我最憎娛樂圈。ＸＤＤＤ
3.因為唱片公司希望初出道既葉佩雯以「小花」姿態俘虜一眾男生。
5.simple!因為要帶起氣氛。
7.因為耳熟能詳,迎合各個階層既觀眾。
11.因為舊時電視劇亦多用羅拔臣先生同史密夫先生,而家既劇只係跟返傳統。
14.因為要用身體語言表現出自己有共鳴。
16.因為要話俾全香港觀眾知:「我係有付出同努力嫁!!!!!」。
17.因為中國人謙虛,唔會直接講「我覺得自己靚到可以做港姐!!yeah」。
19.高考中化堂有講。
20.你文章起首第一句已經講左。
9. 佢地唔係專業食家, 算啦。不過見到xx妮食得咁happy,唔駛形容都feel到有幾好味。
10.爛GAG係想吸引你去睇下一集既GAG會再有幾爛的招數 - 好明顯係成功既
11.用左其實姓氏, 觀眾會誤會左係其實國藉既人
12.佢除左句口號, 佢已經冇野可以SELL
13.皆因面皮夠哂厚。你睇佢成日捧住隻狗做都市閒情就已經知。連佢自己都覺得隻狗有價值過佢。
14.我覺得MAKE SENSE既, 隨左睇演奏會。
16.要扮喊係因為係一個SHOW。有過十部CAMERA對住。喊唔出係佢個人演技問題
17.因為就算入唔到三甲都有條落台階比自己。喔...我陪朋友之嘛,都冇諗住入圍既。而家當賺左一個開心既回憶同朋友...
18.同17理由一樣。
TVB好多野真係冇得解。
發佈留言
<< Home