J2第5節 - Consadole札幌 0-1 橫濱FC

圖：北村知隆(17)入球後與隊友慶祝，左起三浦叔叔(11)、山口素弘(6)、北村、內田智也(10)及城彰二(9)。

戰況：
主隊雖然開賽後就採取主動，但橫濱FC上半場卻於15分鐘憑藉一次反擊機會先開記錄。當時菅野孝憲手鎚打出主隊開出的角球後，內田智也搶得來球後策動反擊，在三打二的優勢下傳交右路的北村知隆，而後者在"cup"過和波智廣後亦不負所望以左腳一射破網。其後橫濱FC換入後衛早川知伸加強防守，配合山口素弘及Tweed領導中後場防線，最終一一瓦解主隊雙柱躉中鋒中山元氣與相川進也的凌厲攻勢力保勝果，為球隊締造二連勝。

橫濱FC現以二勝二和一負成績排第4位，下場將主場迎戰水戶Holly Hock。

出場陣容：
GK：菅野孝憲
DF：中島崇典、鄭容臺、Tweed、小野智吉
MF：北村知隆、山口素弘、內田智也、吉武剛
FW：三浦知良 (早川知伸-74)、城彰二

入球：
北村知隆 (15，左腳、助攻：內田智也)

黃牌：
吉武剛、小野智吉、鄭容臺

寸評：
橫濱FC打出本季最漂亮一仗，在只得攝氏5.4度既寒冷天氣下被札幌全場禁住攻都頂得住，好波。鄭容臺下場果然因為拎夠四張黃牌而要停賽，睇怕佢真係要學習如何減少犯規次數。內田智也連繫攻守，對球隊貢獻良多，佢同菅野考憲都係我地既未來希望，期待二人大鳴大放。最後都係個句，兩個過氣箭頭球星真係江河日下了，可惜可惜。