董建華的國際視野
還記得去年WTO會議舉行時,不少市民怨聲載道,大力批評當年老董及唐唐好大喜功,為省靚那塊邏輯上充滿矛盾既「亞洲國際都會」牌匾而爭左舊蘇州屎返黎,最後搞到灣仔被以韓農為首的示威者弄得腥風血雨,一片混亂。
但係如果睇返之後幾個月香港各大小團體既示威活動,深深受到韓農啟迪以後,就會睇到老董既國際視野:佢唔只希望香港成為「動感之都」,其實更加希望香港能成為名符其實的「示威之都」,所以來一招曲線教育,讓我等庶民大開眼界,繼而自省努力查找示威方式的不足。
自從上年年尾百幾個韓農不懼天寒地凍於灣仔海傍上演跳海示威後,本地各示威人士立即有如被周星星用天眼通點化一樣,一個二個有樣學樣。自韓農去後,印象中都試過有唔同團體以跳海明志,好似今日又有三幾個雞農跳海抗議周一鑊既殺雞政策,你話老董係咪用心良苦呢?
都話左老董真係日日夜夜都諗住為香港好架啦,係你地唔信佢之嘛。
5 Comments:
are u doing PCLL right now?
佢其實係一個老好人,不過...
其實老董真係一個好人,只不過佢唔適合做領導人o者~~
同意以上所講...董伯伯真係個好人..
不過佢立場唔夠堅呀...
容易俾人影響..
係呢,老董係好野呢,哈哈哈哈...
發佈留言
<< Home