敬請自重

哇，原來上一篇文係上年11月，真係失禮。

今次唔講咁多，先睇片，呢場係前幾日響重慶舉行既東亞杯足球賽，由中華人民共和國主場迎戰日本，最終客隊以1比0小勝。

老實講，勝敗乃兵家常事，中華人民共和國技不如人因而輸波冇咩大不了，但輸波兼輸品就相當失禮，成場波大打暴力足球，沙塵滾滾，完全係要人唔要波，請問呢d係咪中共領導人成日掛響口邊既文明精神？就算兩國有幾大家仇國恨也好，係咪需要響球場上以呢種等同未受教化既野蠻人表演黎解決？

距離北京奧運唔夠半年時間，中華人民共和國國民到時會表演出何等程度既文明同進步，實在值得關注。中共領導層，如果你地真係想中華人民共和國成為真正既世界大國，唔該響展示自身既經濟實力以外，多多留意國民既質素，免得俾人背後笑到你面黃囉唔該。

要得到別人既尊重，還請先行自重。