2006世界杯 (第22日 - 八強)

葡萄牙 0 英格蘭 0 (十二碼：3-1)

其實英格蘭今場已經好有部署地針對葡萄牙左閘Nuno Valente速度慢既弱點而集中響右路進攻，亦一直同葡萄牙打成均勢，點知一粒老鼠屎就搞壞一窩粥，Rooney小朋友親自示範何謂「精人出口，笨人出手」，搞到英格蘭唔單只要龜縮至完場，Eriksson笑死人既前鋒選人更搞到最終冇哂可用之兵 (Crouch？咪玩啦)，咁你當初點解唔選件用得既箭鋒，反而要選Walcott但始終都唔俾佢出場呢？

法國 1 巴西 0

巴西成隊冇前冇後，輸個球只有三件黃衫響禁區睇住五件白衫，咁搞法唔輸至奇。至於法國真係上力了，Vieira繼續攻守兼備，Zidane全場左穿右插舞龍咁舞 (佢交俾Henry射入個球真係好乖巧的)，四強對住葡萄牙可以睇高一線。