2006世界杯 (第19日 - 十六強)

意大利 1 澳洲 0

從Hiddink去到下半場尾段都只係換得一件，就知道佢想搏加時兩隊體力下降後至換入佢既愛將Kennedy去前場做柱躉 (秘密武器黎架)，甚至摸和射十二碼兩個只能活一個，可惜事與願違，臨天光俾個球證玩死，真係不抵到痺。一句到尾，個球我唔覺得要俾十二碼，意大利真係好彩，之但係佢地咁屎既攻力就算俾你入到四強都只有死路一條，仲有Nesta同Materazzi下場唔出得，條防線仲會唔會咁穩陣呢？

烏克蘭 0 瑞士 0 (十二碼：3-0)

五五波一場，瑞士雖敗猶榮。烏克蘭今屆死好命抽條好籤，呢d球隊俾佢過到骨真係睇到人眼怨，所以八強我決定訓身支持意大利擊倒"符碌足球"。